Wat wuurt ’t nieje Dorpsgezich?

2 breurs

Fontein

Rex

Draak

Poerker Tajiri

De Bijtels in Hout-Blierick

De Bijtels in Hout-Blierick

Dörpsfies 2013 | 10 jäörig jubileum!

Zôndaag 11 augustus van 13.00 tot 19.00 oor op ut Kerkplein.
Extra attractie: De zingende slechter oët Hors: Chris Coppens!

Jubel-logo Dörpsfiës 2013

Ruud Rutten krieg Bronze Sjeng!

Names alle LeeverGekkerts proficiat. 10 maart steit in de agenda!

Poerkwazel = winnaer!

Poerker 2013

Zo, toch maar weer ens ein berichje plaatsen op dees site. Ald-prins Jek (Sjaak) vóng heej wat weinig activiteit. En daor haete hielemaol geliek in.

Dus via deeze waeg felicitere weej de nieje Poerkertrio’s in ’t bezóngere Jubeljaor 2013:

Prins Pikkie d’n iërste met zien adjudante Rene en Harie

Poerker trio 2013

Poerker Jeug trio 2013

Gen Hiërezitting. We staon in de krant!

Gen Hiërezitting in Hout-Bliërick

Maar wat is d’r zóndig 6 jannewari wal te doon?

Kefee De Elze kump met ein alternatief programma,

Kefee de Elze hèt alle Hout-Bliërickse minse en veural de trouwe kaartkaupers van de Hout-Bliërickse Hiërezitting van herte welkom op zóndig 6 jannewari 2013 um 13.30 oor.

Op ós parkeerplaats wuurt op det moment al drök gebouwd aan de spektakulaire speegeltent van de Poerker. Beej ós binne (lekker werm) is ’t dan good toeven um de kómmende Vastelaovend te bespraeke. Dit alles begeleid door ein bezóngere oëtveuring van ein wónderbarlikke Hout-Bliërickse arties en um och toch un bietje de sfeer van de hierezitting te laote preuve kump der auk nog ‘nne geweldige buut.

Dit jaor gen Hierezitting

Ondanks det diverse trouwe Hiërezitting gaste dit jaor wederum ein kaart hebbe gekóch um op ós niej gekaoze lokasie de Hiërezitting zien 7^e editie te laote ingaon zeen weej ós genoodzaak um de geplande oëtveuring van 6 jannewari 2013 gen doorgang te gaeve.

D’r zien simpel gezag neet genóg kaarte verkóch um genóg middelen in kas te hebben um ein programma op de buun te zette wat pas beej de eisen die weej (en ós gaste) gewint zien.

Of ’t noow lik aan de berg vastelaovesactiviteiten, de gekaoze locatie of de invölling van ’t programma? Weej gaon ós kómmend jaor de köp beejein staeke um heejeuver te praote.

Nao 6 óntzettend suksesvolle jaore laote weej de Hout-Bliërickse Hiërezitting efkes veur wat ’t is.

 

De minse die inmiddels al ein kaart hebbe gekóch, kinne dees op zóndig 6 jannewari 2013 um 14.00 oor inleevere beej Kefee de Elze. Geej krieg dan ’t volledige aankaup bedraag retour.

Kefee de Elze hèt óg deezen daag van herte welkom um ein pilske te drinke en misschiens wal te klasjeneren euver de Hout-Bliërickse Hiërezitting.

Met vrindelikke groet,

 

Comité Hiërezitting Hout-Bliërick